Parlament büdcəni dəyişdi (Xərclərin istiqaməti)
İyunun 29-da Milli Məclis 2018-ci ilin dövlət büdcəsində dəyişikliklərə səs verib. Novator.az bildirir ki, dövlət büdcəsinin gəlirləri 22 milyard 110 milyon manata, xərcləri 23 milyard 61 milyon manata qaldırılıb.
Büdcənin mədaxil mənbələrində dəyişikliklər edilib. Əsas yenilik Dövlət Neft Fondundan büdcəyə köçürmənin yuxarı həddinin 10 milyard 966 milyon manata artırılması olub.
Xam neftin 1 barrelinin satış qiyməti 55 ABŞ dollarından götürüləcək.
Yenilənmiş büdcədə xərclərin istiqamətləri belə müəyyən edilib:
sənaye, tikinti və faydalı qazıntılar – 5 milyard 114,4 milyon manat
ümumi dövlət xidmətləri – 3 milyard 624,6 milyon manat
müdafiə – 2 milyard 905,2 milyon manat
sosial müdafiə və sosial təminat – 2 milyard 343 milyon manat
təhsil – 2 milyard 43,9 milyon manat
iqtisadi fəaliyyət – 1 milyard 390,1 milyon manat
məhkəmə hakimiyyəti, hüquq-mühafizə və prokurorluq – 1 milyard 384,2 milyon manat
kənd təsərrüfatı, meşə təsərrüfatı, balıqçılıq, ovçuluq və ətraf mühitin mühafizəsi – 755,3 milyon manat
səhiyyə – 739,3 milyon manat
mənzil və kommunal təsərrüfatı – 458,5 milyon manat
mədəniyyət, incəsənət, informasiya, bədən tərbiyəsi və digər kateqoriyalara aid edilməyən sahədə fəaliyyət – 327,1 milyon manat
nəqliyyat və rabitə – 166,8 milyon manat
yanacaq və enerji – 8 milyon manat
Əsas bölmələrə aid edilməyən xidmətlər – 1 milyard 800,3 milyon manat.
