Alıcılara ekoloji çantalar paylanıb
Ekologiya və Təbii Sərvətlər Nazirliyi polietilen torbalardan və plastik butulkalardan istifadənin azaldılması istiqamətində aksiyadan məlumat yayıb. Rəsmi xəbərə görə, Bakının bir neçə marketində keçirilən “Yaşıl fikirlə sağlam gələcəyə!” devizli aksiyada alıcılara ekoloji çantalar paylanıb.
Məqsədin polietilen torbalardan istifadənin tədricən azaldılmasına nail olmaq, ekoloji çantalardan istifadəyə üstünlük vermək olduğu açıqlanıb.
Sosial aksiyaya qatılan Ekologiya və Təbii Sərvətlər Naziri yanında İctimai Şuranın sədri Sevil İsayeva, “Eco Baku” qeyri-hökumət təşkilatının sədri Sarita Vaid alıcılara polietilen torbaların ziyanı barədə ətraflı məlumat veriblər.
