16-ların titulları
Rusiyada keçirilən 21-ci dünya futbol çempionatında qrup mərhələsi başa çatıb. Mübarizəni 16 milli komanda davam etdirir. Novator.az bildirir ki, 16-lar arasında ən titullusu Braziliyadır: 20 dünya çempionatında iştirak edən yığma 5 dəfə çempion olub, 2 dəfə ikinci, 2 dəfə üçüncü, 2 dəfə dördüncü yeri tutub.
16 dünya çempionatına qatılan Argentina 2 dəfə çempion olub, 3 dəfə ikinci yerdə qərarlaşıb.
Uruqvay 12 dünya çempionatında qüvvəsini sınayıb, 2 dəfə çempion olub, 3 dəfə dördüncü yeri tutub.
Fransa 14 dünya çempionatında yarışıb, 1 dəfə çempion olub, 1 dəfə ikinci yeri, 2 dəfə üçüncü yeri, 1 dəfə dördüncü yeri götürüb.
İngiltərə və İspaniya 14 dünya çempionatında 1 dəfə çempion ola, 1 dəfə dördüncü yeri tuta biliblər.
İsveç 11 dünya çempionatında yarışıb, 1 dəfə ikinci yeri, 2 dəfə üçüncü yeri, 1 dəfə dördüncü yeri əldə edib.
Portuqaliya 6 dünya çempionatına qatılıb, 1 dəfə üçüncü yerə, 1 dəfə dördüncü yerə sahib çıxıb.
Xorvatiya 4 dünya çempionatında iştirak edib, 1 dəfə üçüncü yeri tutub.
Belçika 12 dünya çempionatında oynayıb, 1 dəfə dördüncü yeri götürüb.
Meksika 15, İsveçrə 10, Kolumbiya və Yaponiya 5, Danimarka 4, Rusiya 3 dünya çempionatında yarışıb. Bu yığmalar titulsuzdur.
Rusiya SSRİ-nin varisi kimi tanınır. SSRİ 7 dünya çempionatında iştirak edib, 1 dəfə dördüncü yeri tutub.
