Ordu təlimə başlayır
İyulun 2-dən 6-dək Azərbaycan Ordusunun genişmiqyaslı təlimləri keçiriləcək. Müdafiə Nazirliyi bildirir ki, təlimlərə 20000 nəfərədək şəxsi heyət, 120-dək tank və digər zirehli texnika, 200-dən artıq müxtəlif çaplı raket və artilleriya qurğusu, yaylım atəşli reaktiv sistemləri və minaatan, 30-dək müxtəlif təyinatlı ordu və cəbhə aviasiyası cəlb olunacaq.
Qoşunlar genişmiqyaslı hücum əməliyyatının keçirilməsi ilə işğal edilmiş ərazilərin azad edilməsi üzrə tapşırıqları da yerinə yetirəcək.
