Ukrayna büdcəsi kəsirdədir
Ukraynanın Maliyyə Nazirliyi 2018-ci il büdcəsinin icrası barədə hesabat yayıb. Novator.az-ın məlumatına görə, hesabatda bildirilir ki, yanvar-may aylarında dövlət büdcəsində 9,2 milyard qrivna kəsir yaranıb.
Rəsmi açıqlamaya əsasən, beş ayda büdcə xərcləri 379,9 milyard qrivna olub. Bu, 2017-ci ilin yanvar-may ayları üzrə göstəricidən 26,6% çoxdur.
2017-ci ilin ilk beş ayı ilə müqayisədə büdcə gəlirlərinin 13,5% artaraq 369,7 milyard qrivna olduğu qeyd edilir.
Ukraynanın 2018-ci il büdcəsinin gəlirləri 917,9 milyard qrivna, xərcləri 991,7 milyard qrivna məbləğində təsdiqlənib.
1 Ukrayna qrivnası 0,0649 manata bərabərdir.
Səidə Hüseynova
