Hərrac açıqlaması
Əmlak Məsələləri Dövlət Komitəsi iyunun 27-də hərrac keçirib. Rəsmi məlumata görə, hərracda təmir-tikinti və elektrik quraşdırma sahəsi üzrə fəaliyyət göstərən “Yevlax Tikinti-7” Açıq Səhmdar Cəmiyyətinin səhm paketi özəlləşdirilib. Səhmdar cəmiyyətinin 30% səhm paketi sahibini tapıb. Özəlləşdirilmiş səhm zərfinin nominal dəyəri 20 min 754 manatdır.
Hərracda İmişli rayonunda yerləşən yardımçı təsərrüfat, Mingəçevir şəhərində yerləşən boyaq bəzək sexinin yarımçıq tikilisi, Bakının Nizami və Nəsimi rayonlarında, Gəncə və Mingəçevirdə yerləşən qeyri-yaşayış sahələri də özəlləşdirilib
2008-ci ildə buraxılmış “Hyundai Sonata” markalı avtomobil üçün hərracda 8 min manat ödənib.
