Onuncu prezidentin ikinci müddəti rəsmiləşib
Azərbaycan Milli Elmlər Akademiyasının (AMEA) ümumi yığıncağında prezident seçilmiş Akif Əlizadə həmin vəzifəyə təsdiq edilib. Sərəncamı dövlət başçısı İlham Əliyev imzalayıb.
1934-cü ildə anadan olan Akif Əlizadə 1989-cu ildən AMEA-nın həqiqi üzvüdür. İlk dəfə 2013-cü ildə AMEA prezidenti seçilib. Bu il iyunun 8-də ümumi yığıncaq yenidən ona etimad göstərib.
AMEA-nın nizamnaməsinə görə, seçimi ölkə prezidenti təsdiqləyir.
Novator.az bildirir ki, Akif Əlizadə AMEA-nın onuncu prezidentidir. Yarandığı 1945-ci ildən bəri akademiyanın prezidenti postunu bu şəxslər də tutub: Mir Əsədulla Mirqasımov, Musa Əliyev, Yusif Məmmədəliyev, Zahid Xəlilov, Rüstəm İsmayılov, Həsən Abdullayev, Eldar Salayev, Fəraməz Maqsudov, Mahmud Kərimov.
