Polisin ekoloji cəzaları
Daxili İşlər Nazirliyinin Baş İctimai Təhlükəsizlik İdarəsi iyun ayında paytaxtın Sabunçu, Xətai, Səbail, Binəqədi, Xəzər, Abşeron rayonlarında və Sumqayıt şəhərində sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi, məişət tullantılarının tutumlardan (urnalardan) kənar yerlərə atılması, sanitariya-gigiyena və epidemiya əleyhinə rejimlərinin pozulması əməllərinə görə 36 şəxsi inzibati məsuliyyətə cəlb edib. Onlara ümumilikdə 5550 manat cərimə tətbiq olunub.
Xəbəri Daxili İşlər Nazirliyinin mətbuat xidməti yayıb.
Şəhər, rayon polis orqanlarının ekoloji tələbləri pozan 206 fiziki və hüquqi şəxsi inzibati məsuliyyətə cəlb etdiyi vurğulanır. Rəsmi məlumata görə, həmin şəxslər ümumilikdə 13 min 550 manat məbləğində cərimələnib.
