Naxçıvanda təlim
Naxçıvandakı Əlahiddə Ümumqoşun Ordusu kompüter dəstəkli komanda-qərargah təlimi keçirir. AZƏRTAC-ın Naxçıvan bürosu bildirir ki, təlimdə qərargahların əməliyyatları planlaşdırması, praktiki fəaliyyətə cəlb edilmiş bölmələrin döyüş atışlarını icra etməsi və qəbul edilmiş qərarların Simulyasiya Mərkəzində kompüterlər üzərində oynanılması məşq etdirilir.
Məlumata görə, iyunun 24-dək davam edəcək təlimdə məqsəd komandirlərin və qərargah zabitlərinin döyüşün təşkili və aparılması zamanı yaranmış müxtəlif şəraitlərdə bölmələrin fasiləsiz idarə olunması üzrə bilik və bacarıqlarının təkmilləşdirilməsidir.
