Avropanın bahalıq lideri
Avropa İttifaqının Statistika Xidmətinin (Eurostat) hesabatına görə, 2017-ci ildə birlik ölkələri arasında istehlak malları və turizm xidmətləri sarıdan ən ucuz məkan Bolqarıstan olub. Bu ölkədə Avropa İttifaqı üzrə orta göstəricidən 52% aşağı qiymətlər qeydə alınıb.
Ən ucuz beş ölkə arasında Polşa, Rumıniya, Çexiya, Litva da yer alıb.
Novator.az bildirir ki, Danimarka Avropa İttifaqının ən bahalı ölkəsi sayılıb. 2017-ci ildə bu ölkədə istehlak mallarının və turizm xidmətlərinin qiymətləri birlik üzrə orta göstəricini 42% qabaqlayıb.
Eurostat beş bahalı ölkə siyahısında Lüksemburq, İrlandiya, İsveç və Finlandiyanı da göstərib.
İstehlak malları və turizm xidmətlərinin qiymətləri baxımından Böyük Britaniya 28 ölkə arasında 6-cı, Fransa 9-cu, Almaniya 11-ci, İtaliya 12-ci, İspaniya 13-cüdür.
Avropa İttifaqına daxil olmayan İslandiyada istehlak mallarının və turizm xidmətlərinin qiymətləri birlik üzrə orta göstəricini 66% ötür. Türkiyədə isə Avropa İttifaqı üzrə orta göstəriciyə nəzərən 47% ucuzluqdur.
