“Qarabağ”: ilkin rəqib və potensial rəqiblər
UEFA Çempionlar Liqasında Azərbaycanı təmsil edən “Qarabağ” komandasının ilk rəqibi bəlli olub. Novator.az-ın məlumatına görə, iyunun 19-da atılan püşk turnirə 1-ci mərhələdən (10-18 iyul arasına təyin olunub) qoşulan “Qarabağ”a Sloveniyanın “Olimpiya” komandasını qismət edib. İlk oyun rəqib meydanındadır.
24 iyul-1 avqust arası keçiriləcək 2-ci raunda çıxacağı halda Ağdam klubu “Kukesi” (Albaniya) – “Valletta” (Malta) cütlüyünün qalibi ilə görüşəcək.
Çempionlar Liqasına ümumilikdə 79 komanda vəsiqə alıb. 26 komanda turnirə qrup mərhələsindən (18 sentyabr-12 dekabr) başlayacaq.
3-cü mərhələdə (7-15 avqust) “Qarabağ”ın mümkün rəqibləri sırasında “Zalsburq” (Avstriya), AEK (Yunanıstan), 4-cü raundda mümkün rəqibləri sırasında PSV (Hollandiya), “Yanq Boyz” (İsveçrə) komandaları yer alır.
