“Keşlə“, “Qəbələ” və “Neftçi”nin rəqibləri
Azərbaycanı UEFA Avropa Liqasında təmsil edən “Keşlə“, “Qəbələ” və “Neftçi” komandalarının rəqibləri bəlli olub. Novator.az-ın məlumatına görə, iyunun 20-də atılan püşkdə “Keşlə“yə Maltanın “Balzan”, “Qəbələ”yə Lüksemburqun “Proqres”, “Neftçi”yə Macarıstanın “Uypeşt” komandaları düşüb.
Azərbaycan təmsilçiləri Avropa Liqasına ilkin təsnifatın ardınca – 1-ci mərhələdən qoşulacaq. 1-ci mərhələ 12-19 iyul arası keçiriləcək. “Keşlə“ və “Qəbələ”nin ilk oyunları səfərdədir, “Neftçi” isə mübarizəyə Bakıda başlayır.
Avropa Liqasının final oyunu 2019-cu il mayın 29-na, Bakı Olimpiya Stadionuna təyin edilib.
