Türkiyədə yeni seçki sorğusu
Türkiyənin “Gezici” araşdırma şirkəti iyunun 24-nə təyin olunmuş prezident və parlament seçkiləri ilə bağlı rəy sorğusunun nəticələrini yayıb. Sorğunun 2814 seçici arasında keçirildiyi bəyan olunub.
Novator.az-ın məlumatına görə, prezident seçkisinin rəy sorğusunda Ədalət və İnkişaf Partiyasının sədri, dövlət başçısı Rəcəb Teyyub Ərdoğan 47,1%-lə öndədir.
Cümhuriyyət Xalq Partiyasından deputat Məhərrəm İncə 27,8%-lə ikinci yerdədir.
Yaxşı Partiyanın lideri Maral Akşenerə sorğu iştirakçılarının 14,1%-i, Xalqların Demokratik Partiyasından Səlahəddin Dəmirtaşa (həbsdədir) 10%-i, Səadət Partiyasının lideri Təməl Qaramollaoğluna 0,6%-i, Vətən Partiyasının lideri Doğu Perinçekə 0,4%-i dəstək verib.
Parlament seçkisinə Xalq ittifaqı adı altında gedən Ədalət və İnkişaf Partiyası respondentlərin 42,9%-nin, Milliyyətçi Hərəkat Partiyası 5,8%-nin səsini alıb.
Millət ittifaqı adı altında birləşən Cümhuriyyət Xalq Partiyası sorğuda 26,3%, Yaxşı Partiya 12,5%, Səadət Partiyası 0,5% dəstək görüb.
Xalqların Demokratik Partiyası 11,6% səslə göstərilir.
