Manatın satış faizi dəyişdi
Mərkəzi Bankın İdarə Heyəti uçot dərəcəsinin 11 faizdən 10 faizə endirilməsi barədə qərar qəbul edib. Bunu İdarə Heyətinin sədri Elman Rüstəmov iyunun 14-də açıqlayıb.
Uçot dərəcəsi Mərkəzi Bankın kommersiya banklarına verdiyi borclar üzrə faiz dərəcəsidir. Novator.az bildirir ki, 2016-cı ildə uçot dərəcəsi 3 faizdən 15 faizə qalxmış, bu il fevralın 12-də 13 faizə, aprelin 9-da 11 faizə düşmüşdü.
