Azərbaycanda iş və işsizlik
Dövlət Statistika Komitəsi məşğulluq və işsizlik hesabatı yayıb. Novator.az bildirir ki, hesabata görə, 2018-ci il iyunun 1-nə iqtisadi fəal əhalinin sayı 5 milyon 103,5 min nəfər olub, onların 4 milyon 850,1 min nəfərini məşğul əhali təşkil edib.
Mayın 1-nə muzdla işləyənlərin sayı 1 milyon 538,2 min nəfər (iqtisadiyyatın dövlət sektorunda 887,2 min nəfər, qeyri-dövlət sektorunda 651 min nəfər) göstərilir.
İqtisadiyyatın neft sektorunda 33,6 min nəfər, qeyri-neft sektorunda 1 milyon 504,6 min nəfər çalışıb.
İyunun 1-nə məşğulluq xidməti orqanları 36,7 min nəfərə rəsmi işsiz statusu verib. İşsizlik müavinətinin və işsizlikdən sığorta ödənişinin orta məbləği 347,4 manat olub.
