İnternetdə informasiya: qanunda yenilik təklif olunur
İyunun 13-də Milli Məclisin insan hüquqları komitəsinin iclası keçirilib. AZƏRTAC xəbər verir ki, iclasda “İnformasiya əldə etmək haqqında” qanuna dəyişiklik layihəsi müzakirə edilib.
Qanunun 30.1-ci maddəsinə təklif edilən dəyişikliyə görə, büdcə təşkilatının, dövlət adından yaradılan publik hüquqi şəxslərin, büdcədənkənar dövlət fondlarının, səhmlərinin (paylarının) 30 faizi və ya daha artıq hissəsi dövlətə məxsus olan təsərrüfat cəmiyyətlərinin illik maliyyə fəaliyyəti haqqında məlumatların, o cümlədən dövlət büdcəsindən verilmiş vəsaitdən və ya onlara ayrılmış əmlakdan istifadəyə aid olan informasiyanın internet informasiya ehtiyatlarında açıqlanması qaydasını müvafiq icra hakimiyyəti orqanının müəyyən etdiyi orqan (qurum) təsdiq edir. Bu səlahiyyəti Nazirlər Kabineti həyata keçirəcək.
Qanun layihəsi Milli Məclisin plenar iclasına tövsiyə edilib.
