Hərrac qiyməti 15,3 min manat artırdı
Əmlak Məsələləri Dövlət Komitəsi 12 iyun hərracından rəsmi bilgi yayıb. Məlumata görə, hərracda 20 dövlət əmlakı sahibini tapıb. Bunlardan 3-ü kiçik dövlət müəssisəsi, 12-si istifadəsiz qeyri-yaşayış sahəsi, 1-i yarımçıq tikili, 4-ü nəqliyyat vasitəsidir.
Bakının Nəsimi rayonunda yerləşən qeyri-yaşayış sahəsinin start qiyməti 30 min manat olub, təklif 45 min 300 manata qədər yüksəlib.
Nəsimi rayonunun Əlövsət Quliyev küçəsində yerləşən qeyri-yaşayış sahəsinin hərracında da eyni hal müşahidə edilib. Start qiyməti 6 min manat olub, əmlak 6 min 200 manata sahibini tapıb.
