Azərbaycan silahları Paris sərgisində
İyunun 11-i Fransanın paytaxtı Parisdə Beynəlxalq Müdafiə və Təhlükəsizlik Sərgisi (Eurosatory-2018) açılıb. Report.az xəbər verir ki, tədbirdəki nümayəndə heyətinə baş nazirin müavini Yaqub Eyyubov və müdafiə sənayesi naziri Yavər Camalov başçılıq edirlər.
Sərgidə Müdafiə Sənayesi Nazirliyinin müəssisələrində yaradılan və istehsal olunan 270 adda məmulat nümayiş etdirilir. Bunların arasında “Yalquzaq” ,“Vaşaq“, NST-14,5 snayper tüfəngləri, AZ-7,62 tipli avtomat və HP-7,62 tipli hücum pulemyotu, həmçinin 12,7 millimetrlik silahla təchiz edilmiş məsafədən idarə olunan döyüş modulu da yer alır.
