Qara siyahıda 710 nəfər var
Azərbaycanın Xarici İşlər Nazirliyi işğal altındakı ölkə ərazilərinə qanunsuz səfər etmiş əcnəbilərin adlarını qara siyahıya salır. Onların Azərbaycana səfəri yasaqdır.
Arzuolunmaz şəxslər siyahısı sonuncu dəfə bu il aprelin 17-də yenilənib. Novator.az bildirir ki, həmin siyahıda 710 nəfərin adı var.
Rusiyanın 174, Almaniyanın 67, ABŞ-ın 56, Fransanın 42, Gürcüstanın 14, İspaniyanın 13, Türkiyənin 8 vətəndaşı qara siyahıdadır.
Ermənistan Azərbaycanın Dağlıq Qarabağ vilayətini və onun ətrafındakı Laçın, Kəlbəcər, Qubadlı, Zəngilan, Ağdam, Füzuli, Cəbrayıl rayonlarını, eləcə də Qazax rayonunun 7, Naxçıvan Muxtar Respublikasının 1 kəndini işğal edib.
