Nazirlikdən xidmət hesabatı
Əmək və Əhalinin Sosial Müdafiəsi Nazirliyinin fəaliyyət sahələri üzrə elektron xidmətlərə may ayında 820 min 352 müraciət qeydə alınıb. Rəsmi məlumata görə, bu göstərici ilə nazirlik “Elektron hökumət” portalında xidmətlərinə ən çox üz tutulan qurum olub. Ötən ay portal vasitəsilə müraciətlərin ümumilikdə 43 faizini Əmək və Əhalinin Sosial Müdafiəsi Nazirliyinin e-xidmətlərinə aid müraciətlər təşkil edib.
“Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” (366 min 331 müraciət), “İş yerinə dair arayış” (59 min 475 müraciət), “Tibbi-Sosial Ekspert Komissiyasında sonuncu müayinəyə dair məlumatın verilməsi” (46 min 535 müraciət), “Əmək müqaviləsi bildirişləri barədə məlumatların əldə edilməsi” (39 min 546 müraciət), “Məcburi dövlət sosial sığortası üzrə hesabatların təqdim edilməsi” (29 min 122 müraciət), “Pensiya kalkulyatoru” (27 min 669 müraciət) xidmətlərinin daha çox maraq dairəsində olduğu bildirilir.
Hazırda nazirlik əhaliyə 28 adda e-xidmət göstərir.
