Kredit bataqlığının 10 ili
Mərkəzi Bank ödəniş vaxtı keçmiş kreditlərin mayın 1-nə olan həcmini 1 milyard 708,8 milyon manat göstərib. Novator.az bildirir ki, 2018-ci ilin əvvəlinə vaxtı keçmiş kreditlərin məbləği 1 milyard 626,7 milyon manat olub. Dörd ayda 82,1 milyon manat artım qeydə alınıb.
Fevralın 1-nə problemli kreditlərin həcmi 1 milyard 695,9 milyon manata, martın 1-nə 1 milyard 700,9 milyon manata, aprelin 1-nə 1 milyard 710,2 milyon manata yüksəlib. Aprel ayı ərzində 1,4 milyon manat azalma var.
Son 10 ildə isə vaxtı keçmiş kreditlər 1 milyard 549 milyon manat artıb.
Rəsmi hesabata görə, qaytarılmayan kreditin həcmi 2008-ci ildə 159,8 milyon manat olub.
2009-cu ildə 303,5 milyon manatlıq vaxtı keçmiş kredit problemi yaşanıb.
2010-cu ildə məbləğ 492,9 milyon manata, 2011-ci ildə 633,8 milyon manata, 2012-ci ildə 748,8 milyon manata, 2013-cü ildə 792,8 milyon manata qalxıb.
2014-cü ildə kredit təşkilatlarının müddətlər üzrə kredit qoyuluşları hesabatında problemli kreditlər 976,3 milyon manat göstərilib.
2015-ci ilin göstəricisi 1 milyard 508,5 milyon manat, 2016-cı ilin göstəricisi 1 milyard 472,6 milyon manat olub.
2017-ci il ərzində problemli kreditlərin məbləği 1 milyard 633,1 milyon manatdan 1 milyard 626,7 milyon manata düşüb.
