Ukrayna parlamenti Antikorrupsiya Məhkəməsi qurmağa səs verdi
Ukrayna parlamenti iyunun 7-də Ali Antikorrupsiya Məhkəməsi yaratmağa səs verib. Novator.az-ın məlumatına görə, qanun layihəsini 450 nəfərlik Ali Radanın 315 deputatı dəstəkləyib.
Səsvermədən əvvəl prezident Pyotr Poroşenko parlamentə gəlib. O, hakim fraksiyanın iclasına qatılıb. Sonra Ali Radanın tribunasından çıxış edən dövlət başçısı deputatları qanuna səs verməyə çağırıb.
Ali Antikorrupsiya Məhkəməsi vəzifəli şəxslərin törətdiyi korrupsiya cinayətləri üzrə işlərə (vurulan ziyanın həcminin yaşayış minimumu həddini ən azı 500 dəfə ötdüyü hallarda) baxacaq.
