“Keşlə“, “Qəbələ” və “Neftçi”nin mümkün rəqibləri
Novator.az 2018-2019 mövsümündə Azərbaycanı UEFA Avropa Liqasında təmsil edəcək “Keşlə“, “Qəbələ” və “Neftçi” komandalarının mümkün rəqiblərinin siyahısına nəzər salıb.
Azərbaycan təmsilçiləri qrupa düşmək üçün dörd mərhələ keçməlidir. Onlar Avropa Liqasına ilkin təsnifatın ardınca – 1-ci mərhələdən qoşulacaq. Bu mərhələdə “Keşlə”, “Qəbələ” və “Neftçi”yə Lixtenşteynin “Vaduts”, Estoniyanın “Levadiya”, “Trans”, Moldovanın “Milsami”, “Zarya”, “Petrokub”, İslandiyanın “Styarnan”, “Vestmannaeyar”, Macarıstanın “Ferensvaroş”, “Uypeşt”, “Honved”, Şimali İrlandiyanın “Kliftonvill”, “Qlenavon”, “Kolreyn”, Slovakiyanın DAK, Monteneqronun “Buduçnost”, “Qrbal”, Bosniyanın “Şiroki Briyeq”, Albaniyanın “Partizani”, Lüftetari”, “Laçi”, Gürcüstanın “Çixura”, “Samtredia”, Latviyanın “Liepaya”, “Riqa”, Makedoniyanın “Şkupi”, Finlandiyanın “İlves”, KuPS , “Lahti”, İrlandiyanın “Derri Siti”, “Şemrok Rovers”, Litvanın “Stumbras”, Maltanın “Balzan”, Lüksemburqun “Proqres”, “Rasinq Union”, Uelsin “Konnah Kuey”, Farer adalarının “Runavik” klublarının qismət olması mümkündür.
Avropa Liqasının ilkin təsnifat mərhələsi 2018-ci il iyunun 28-də başlayır, iyulun 5-də bitir.
1-ci mərhələ 12-19 iyul arası, 2-ci mərhələ 26 iyul-2 avqust arası, 3-cü mərhələ 9-16 avqust arası, 4-cü mərhələ 23-30 avqust arası keçiriləcək.
