İşgüzar forumda yeni kreditlər
İqtisadiyyat Nazirliyinin Sahibkarlığa Kömək Milli Fondu iyunun 7-si Xızı rayonunda işgüzar forum keçirib. Rəsmi məlumata görə, fondun icraçı direktoru vəzifəsini icra edən Arif Vəliməmmədov forumda deyib ki, indiyədək Xızı rayonundan olan 197 sahibkara 39,2 milyon manat güzəştli kredit verilib.
Forumda Abşeron iqtisadi rayonunda fəaliyyət göstərən sahibkarlıq subyektləri 7,1 milyon manat güzəştli kredit alıb. Kreditlərin əsasən istixana kompleksinin yaradılması, heyvandarlıq sahələrinin inkişafına yönəldiləcəyi, 150-dək yeni iş yerinin açılmasının mümkün olacağı bildirilir.
Qeyd olunub ki, son kreditlər də daxil olmaqla Abşeron iqtisadi rayonunda fəaliyyət göstərən sahibkarlıq subyektlərinin 1245 investisiya layihəsinin maliyyələşdirilməsinə 389,7 milyon manat güzəştli kredit ayrılıb.
