Naftalanda yeni xəstəxana
- 05 İyun 2018
- comments
- Səidə Hüseynova
- Posted in Xəbər
Prezident İlham Əliyev iyunun 5-də Naftalan Şəhər Mərkəzi Xəstəxanasının açılışında iştirak edib.
AZƏRTAC xəbər verir ki, 60 çarpayılıq Naftalan Şəhər Mərkəzi Xəstəxanası 1,2 hektar ərazidə yerləşir. Tikintinin ümumi sahəsi 8 min kvadratmetrdən çoxdur. Xəstəxanada cərrahiyyə, doğum bloku, doğumdan sonrakı fizioloji və hamiləliyin patologiyası şöbələri yaradılıb.
Tibb müəssisəsinin laboratoriya, şüa diaqnostika, qəbul, inzibati, poliklinika, reanimasiya, intensiv terapiya şöbələri də fəaliyyət göstərəcək.
Xəstəxana binası ilə tanışlıqdan sonra İlham Əliyev şəhər ictimaiyyətinin nümayəndələri ilə görüşüb.