Hərrac qiymətləri qaldırdı
Əmlak Məsələləri Dövlət Komitəsi 5 iyun hərracı ilə bağlı açıqlama yayıb. Rəsmi məlumata görə, Bakının Müşfiqabad qəsəbəsindəki qeyri-yaşayış sahəsinin ilkin qiyməti 8 min 100 manat olub, sonda qiymət 15 min 200 manata yüksəlib.
İlkin qiyməti 5 min 500 manat olan, Bakının Nəsimi rayonunda, Cavadxan küçəsində yerləşən dövlət əmlakı 6 min 500 manata özəlləşdirilib.
Hərracda sifarişçi buraxılış ili 2008, yürüş məsafəsi 22500 kilometr olan “Hyundai TG” markalı nəqliyyat vasitəsi üçün 12 min manat ödəyib.
