Çempionlar Liqası və Avropa Liqasının bütün komandaları
2018-2019 mövsümündə UEFA üzvlərini Çempionlar Liqası və Avropa Liqasında təmsil edəcək bütün komandalar bəlli olub (Siyahı).
Çempionlar Liqası iyunun 26-da, Avropa Liqası 28-də start götürür.
Novator.az bildirir ki, İspaniya, Almaniya, İngiltərə və İtaliya Çempionlar Liqasına 4, Avropa Liqasına 3 komanda çıxarır.
Fransa və Rusiya üçün həm Çempionlar Liqasında, həm Avropa Liqasında 3 yer ayrılıb.
Portuqaliya, Ukrayna, Belçika, Türkiyə, Çexiya, İsveçrə, Hollandiya, Yunanıstan və Avstriya Çempionlar Liqasında 2, Avropa Liqasında 3 komanda ilə təmsil edilir.
Çempionlar Liqasına 1, Avropa Liqasına 3 komanda ilə bu UEFA üzvləri qoşulur: Xorvatiya, Rumıniya, Danimarka, Belarus, Polşa, İsveç, İsrail, Şotlandiya, Kipr, Norveç, Azərbaycan, Bolqarıstan, Serbiya, Qazaxıstan, Sloveniya, Slovakiya, Macarıstan, Moldova, İslandiya, Finlandiya, Albaniya, İrlandiya, Bosniya, Gürcüstan, Latviya, Makedoniya, Estoniya, Monteneqro, Ermənistan, Lüksemburq, Şimali İrlandiya, Litva, Malta, Uels, Farer adaları.
Cəbəllütariq, Andorra və San Marino üçün Çempionlar Liqasında 1, Avropa Liqasında 2 yer nəzərdə tutulub.
Kosovo həm Çempionlar Liqasında, həm də Avropa Liqasında 1 komanda ilə yarışır.
Lixtenşteyn 1 komanda ilə yalnız Avropa Liqasında mübarizə aparır.
Azərbaycanı Çempionlar Liqasında təmsil edəcək “Qarabağ” komandası turnirə 1-ci mərhələdən (10-18 iyul arasına təyin olunub) qoşulur.
Avropa Liqasında “Keşlə”, “Qəbələ” və “Neftçi” oynayacaq. Onlar 1-ci mərhələdə (12-19 iyul arası keçiriləcək) yer alırlar.
