Avropa Şurası heyətində yeni şəxslər
Milli Məclisin Avropa Şurası Parlament Assambleyasında nümayəndə heyətinin yeni üzvlərinin adları açıqlanıb. Rövşən Rzayev və Vüsal Hüseynovu deputatlar Naqif Həmzəyevlə Çingiz Qənizadə əvəzləyib.
Novator.az bildirir ki, Səməd Seyidovun rəhbərlik etdiyi heyətdə Qənirə Paşayeva, Fazil Mustafa, Sabir Hacıyev, Sahibə Qafarova, Sevinc Fətəliyeva, Rafael Hüseynov, Ülviyyə Ağayeva, Elşad Həsənov və Asim Mollazadə də yer alır.
Bu ilin aprelində Rövşən Rzayev Qaçqınların və Məcburi Köçkünlərin İşləri üzrə Dövlət Komitəsinin sədri, Vüsal Hüseynov Dövlət Miqrasiya Xidmətinin rəisi təyin edilib.
1949-cu ildə yaradılan Avropa Şurası 47 ölkəni birləşdirir. Azərbaycan Avropa Şurasına 2001-ci ildə qoşulub.
