Gədəbəyin icra başçısı vəzifədən çıxarıldı
Prezident İlham Əliyev iyunun 1-də sərəncam imzalayaraq Ramiz Yediyarovu Gədəbəy Rayon İcra Hakimiyyətinin başçısı postundan çıxarıb.
Novator.az bildirir ki, Yediyarov Ramiz Qəni oğlu 31 may 1966-cı ildə Ermənistanda anadan olub, Azərbaycanın Şəki rayonunda boya-başa çatıb.
Poltava Kooperativ İnstitutunu (Ukrayna) bitirən Ramiz Yediyarov 1990-cı ildən Şəkinin təsərrüfat qurumlarında iqtisadçı, mühasib vəzifələrində işləyib.
Ramiz Yediyarov 1997-ci ildən dövlət vergi orqanlarında çalışıb, müxtəlif ərazi idarələrinə rəhbərlik edib, Bakı Şəhər Vergilər Departamentinin rəis müavini olub.
2012-ci il aprelin 18-dən Gədəbəy Rayon İcra Hakimiyyətinin başçısı idi.
