Dollar təzə aya da sabitliklə başladı
İyunun 1-də ABŞ dollarının (1,7 manat) və gürcü larisinin (0,6869 manat) rəsmi məzənnələri dəyişməyib.
Mərkəzi Bank ingilis funt sterlinqini 2,2546, Rusiya rublunu 0,0272, türk lirəsini 0,3754 manata endirib.
Bahalaşan avro isə banklara 1,9852 manata təklif olunur (Məzənnələr).
Novator.az bildirir ki, bu il dolların ən yuxarı rəsmi qiyməti 1,7001 manat olub. Bu kurs ilin əvvəlindən martın 7-dək qüvvədə qalıb, həmin gündən isə Mərkəzi Bank dolları 1,7 manata satır.
Avro 2018-ci ilə 2,0431 manatla start verib. Yanvarda son kurs 2,1116 manat, fevralda 2,0781 manat, martda 2,0933 manat, apreldə 2,0618 manat olub. Maya 1,9829 manatla nöqtə qoyulub.
Manatı qorumaq üçün Dövlət Neft Fondu Mərkəzi Bankın yanvar-aprel aylarında keçirdiyi valyuta hərraclarında 2 milyard 112,8 milyon ABŞ dolları məbləğində vəsait satıb.
