Rusiyanın yeni elçisi
Rusiya prezidenti Vladimir Putin sərəncam imzalayaraq Mixail Boçarnikovu Azərbaycanda fövqəladə və səlahiyyətli səfir təyin edib. Dövlət Duması təyinata aprel ayında razılıq vermişdi.
Novator.az bildirir ki, 1948-ci il təvəllüdlü Mixail Boçarnikov Moskva Dövlət Beynəlxalq Münasibətlər İnstitutunu bitirib. 1971-ci ildən diplomatik xidmətdədir. SSRİ-nin Efiopiya və Zimbabve səfirliklərində çalışıb.
1992-1996-cı illərdə Mixail Boçarnikov Rusiyanın Zambiyada fövqəladə və səlahiyyətli səfiri, 1996-1999-cu illərdə Rusiya Xarici İşlər Nazirliyinin Afrika Departamentinin direktoru olub.
1999-2003-cü illərdə Mixail Boçarnikov ölkəsini Yunanıstanda səfir kimi təmsil edib, 2003-2006-cı illərdə xüsusi tapşırıqlar üzrə səfir kimi gürcü-abxaz münaqişəsi ilə məşğul olub.
Mixail Boçarnikov 2006-2018-ci illərdə Qazaxıstanda fövqəladə və səlahiyyətli səfir postunu tutub.
