Qadınlar və vəzifələr
Azərbaycanda prezidentdən sonra ikinci ali postu – birinci vitse-prezident vəzifəsini Mehriban Əliyeva tutur. Novator.az bildirir ki, Prezident Administrasiyasında daha dörd yüksək post qadınlara tapşırılıb: Dilarə Seyidzadə Prezident Katibliyinin rəisi-prezidentin köməkçisi, Cəmilə Abbasova prezidentin köməkçisi, Səadət Yusifova strateji araşdırma və planlaşdırma şöbəsinin müdiri, Fərəh Əliyeva humanitar siyasət məsələləri şöbəsinin müdiridir.
Prezident yanında Əfv Məsələləri Komissiyasının katibi də qadındır: Kəmalə İsmayılova.
Mərkəzi icra qurumlarında iki qadın yüksək postdadır: Hicran Hüseynova Ailə, Qadın və Uşaq Problemləri üzrə Dövlət Komitəsinin sədri, Məleykə Abbaszadə Dövlət İmtahan Mərkəzinin sədridir.
Sevinc Həsənova iqtisadiyyat nazirinin müavini, Nigar Əliyeva səhiyyə nazirinin müavini, Sevda Məmmədəliyeva mədəniyyət nazirinin müavinidir.
Parlamentdə 19 qadın deputat var. Onlardan biri – Bahar Muradova Milli Məclis sədrinin müavinidir. Qanunverici orqanda təmsil olunan digər 18 qadın bunlardır: Ülviyyə Həmzəyeva, Aytən Mustafayeva, Məlahət İbrahimqızı, Sədaqət Vəliyeva, Dilarə Cəbrayılova, Sevinc Fətəliyeva, Zeynəb Xanlarova, Elmira Axundova, Jalə Əliyeva, Gövhər Baxşəliyeva, Sahibə Qafarova, Sona Əliyeva, Sevinc Hüseynova, Qənirə Paşayeva, Ülviyyə Ağayeva, Kamilə Əliyeva, Aqiyə Naxçıvanlı, Flora Qasımova.
Məhkəmə-Hüquq Şurasının bir üzvü – Şəlalə Məmmədova qadındır. O, Ali Məhkəmənin Mülki Kollegiyasına rəhbərlik edir.
Konstitusiya Məhkəməsinin sədr müavini postunu qadın – Sona Salmanova tutur. Bu qurumun daha bir üzvü qadındır: Südabə Həsənova.
Ombudsman postunda da qadın çalışır: Elmira Süleymanova.
Ölkədə yalnız bir qadın icra başçısı vəzifəsində çalışır: İradə Gülməmmədova. O, Abşeron Rayon İcra Hakimiyyətinin başçısıdır. Bakı Şəhər İcra Hakimiyyəti başçısının müavini qadındır: Fidumə Hüseynova.
Novator.az bildirir ki, hazırda Gürcüstanda üç nazir postu, Türkiyə və Ermənistanda iki nazir postu qadınlara həvalə edilib. Rusiyada baş nazirin iki müavini və iki nazir qadındır.
