Ən bahalı şəhərin adı açıqlanıb
İsveçrənin UBS bankı 77 böyük şəhərdə yaşayış dəyərini hesablayıb. Novator.az-ın məlumatına görə, tədqiqat müəllifləri üç nəfərlik avropalı ailənin 128 mal və xidmət üzrə xərclərini əsas götürüblər.
Ən bahalı şəhər İsveçrənin Sürix şəhəridir.
İsveçrənin Cenevrə şəhəri ikinci, Norveçin paytaxtı Oslo üçüncü yerdə göstərilir.
Ən bahalı şəhərlər siyahısının ilk onluğunda sonrakı sıralama belədir: Danimarkanın paytaxtı Kopenhagen, ABŞ-ın Nyu-York şəhəri, Yaponiyanın paytaxtı Tokio, İtaliyanın Milan şəhəri, Böyük Britaniyanın paytaxtı London, ABŞ-ın Çikaqo şəhəri, Finlandiyanın paytaxtı Helsinki.
Səidə Hüseynova
