Kürəyindən vurulan jurnalist kimdir?
Ukraynanın paytaxtı Kiyevdə rusiyalı hərbi jurnalist Arkadi Babçenko öldürülüb. Hadisə mayın 29-u axşam Arkadi Babçenkonun yaşadığı binanın blokunda baş verib. Kürəyindən üç güllə yarası alan jurnalist xəstəxanaya aparılarkən keçinib.
Novator.az bildirir ki, Arkadi Babçenko 1977-ci ildə Moskva şəhərində doğulub. 1995-1997-ci illərdə Rusiya Silahlı Qüvvələrində xidmət edib, birinci Çeçenistan müharibəsinin iştirakçısı olub.
Moskvada Müasir Humanitar Universitetin hüquq fakültəsini bitirən Arkadi Babçenko 1999-cu ildə Rusiya Silahlı Qüvvələri ilə müqavilə bağlayaraq ikinci Çeçenistan müharibəsində iştirak edib.
2000-ci ildən Arkadi Babçenko jurnalistika ilə məşğul olub.
Jurnalistin Rusiya hakimiyyətinin qatı tənqidçisi kimi ad çıxardığı, Ukraynaya təqiblər üzündən köçdüyü bildirilir.
