“Qarabağ”ın mümkün rəqibləri
2018-2019 mövsümündə Azərbaycanı UEFA Çempionlar Liqasında təmsil edəcək “Qarabağ” komandasının bütün potensial rəqibləri bəlli olub. Novator.az-ın məlumatına görə, “Qarabağ” turnirə 1-ci mərhələdən (10-18 iyul arasına təyin olunub) qoşulur. Mümkün rəqiblər bunlardır: “Şkendiya” (Makedoniya), “Olimpiya” (Sloveniya) “Düdelanj” (Lüksemburq), “Spartak” (Slovakiya), “Valletta” (Malta), “Vikinqur” (Farer adaları), “Kruzeyders” (Şimali İrlandiya), “Sutyeska” (Monteneqro), “Suduva” (Litva), “Kork Siti” (İrlandiya), “Spartaks” (Latviya), “Valyur” (İslandiya), “Flora” (Estoniya), “Torpedo” (Gürcüstan).
Mərhələdə bu komandalar da yer alır: “Ludoqorets” (Bolqarıstan), “Seltik” (Şotlandiya), APOEL (Kipr), “Legiya” (Polşa), “Astana” (Qazaxıstan), “Şerif” (Moldova), “Malmö” (İsveç), “Srvena Zvezda” (Serbiya), “Hapoel” (Beer-Şeva, İsrail), “Rusenborq” (Norveç), HİK (Finlandiya), “Nyu Sents” (Uels), “Videoton” (Macarıstan), “Kukesi” (Albaniya), “Zrinski” (Bosniya), “Alaşkert” (Ermənistan).
İlkin təsnifat mərhələsi 26-29 iyun arası keçiriləcək. Raunda çıxan “Santa Koloma” (Andorra), “Linkoln” (Cəbəllütariq), “La Fiorita” (San Marino), “Drita” (Kosovo) komandaları da “Qarabağ”a rəqib ola bilər.
Çempionlar Liqasına ümumilikdə 79 komanda vəsiqə alıb. 26 komanda turnirə qrup mərhələsindən (18 sentyabr-12 dekabr) başlayacaq: “Barselona”, “Atletiko”, “Real”, “Valensiya” (İspaniya), “Bavariya”, “Şalke”, “Hoffenhaym”, “Borussiya” Dortmund (Almaniya), “Mançester Siti”, “Mançester Yunayted”, “Tottenhem”, “Liverpul” (İngiltərə), “Yuventus”, “Napoli”, “Roma”, “İnter” (İtaliya), PSJ, “Monako”, “Lion” (Fransa), “Lokomotiv” Moskva, SSKA (Rusiya), “Portu” (Portuqaliya), “Şaxtyor” (Ukrayna), “Brügge” (Belçika), “Qalatasaray” (Türkiyə), “Viktoriya” (Çexiya).
24 iyul-1 avqust arası keçiriləcək 2-ci raunda bu komandalar vəsiqə alıb: BATE (Belarus), “Dinamo” (Xorvatiya), “Midtülland” (Danimarka),“Kluj” (Rumıniya), “Bazel” (İsveçrə), “Ayaks” (Hollandiya), PAOK (Yunanıstan), “Şturm” (Avstriya).
3-cü mərhələdə (7-15 avqust) bu komandalar var: “Zalsburq” (Avstriya), AEK (Yunanıstan), “Benfika” (Portuqaliya), “Dinamo” (Ukrayna), “Fənərbaxça” (Türkiyə), “Spartak” (Moskva, Rusiya), “Standard” (Belçika), “Slaviya” (Çexiya).
21-29 avqust arası keçiriləcək 4-cü raundda PSV (Hollandiya), “Yanq Boyz” (İsveçrə) komandaları yer alır.
