Ordunun gücü: Azərbaycan 53-cü yerdə
“Global Firepower” beynəlxalq təşkilatı ən güclü ordusu olan ölkələrin siyahısını açıqlayıb. Novator.az-ın məlumatına görə, Azərbaycan 136 ölkə arasında 53-cü yerdə qərar tutub.
Ermənistan ordu reytinqində 84-cü, Gürcüstan 82-ci pillədə yer alır.
Siyahıya ABŞ başçılıq edir.
Ordunun gücü baxımından ikinci yerdə Rusiya, üçüncü yerdə Çin gəlir.
İlk onluqda qalan ölkələr bunlardır: Hindistan, Fransa, Böyük Britaniya, Cənubi Koreya, Yaponiya, Türkiyə, Almaniya.
Ordu reytinqində İran 13-cü, Ukrayna 29-cudur.
Sonuncu – 136-cı yerdə Butan dayanır.
İndeks ölkənin hərbi gücünə birbaşa və dolayısı ilə təsir edən 50-dən çox faktora əsaslanır.
