“Keşlə” üçlük arasında
Bakının “Keşlə” futbol komandası Azərbaycan kubokunun sahibi olub. Mayın 28-i Qəbələdə keçirilən final oyununda bakılılar yerli komandanı 1:0 hesabı ilə məğlub ediblər. Bununla “Keşlə” 2018-2019 mövsümündə Azərbaycanı UEFA Avropa Liqasında təmsil etmək hüququ qazanıb. Bu turnirdə “Qəbələ” və “Neftçi” də oynayacaqlar.
Novator.az bildirir ki, Azərbaycan təmsilçiləri qrupa düşmək üçün dörd mərhələ keçməlidir. Onlar Avropa Liqasına ilkin təsnifat raundunun ardınca – 1-ci mərhələdən qoşulacaq. Bu mərhələdə “Keşlə” “Qəbələ” və “Neftçi”yə Lixtenşteyn, Estoniya Moldova, İslandiya, , Macarıstan, Şimali İrlandiya, Slovakiya, Monteneqro, Bosniya, Albaniya, Gürcüstan, Litva, Latviya, Cəbəllütariq, Farer adaları, Makedoniya, Finlandiya, İrlandiya, Uels, Malta, Lüksemburq təmsilçilərinin qismət olması mümkündür.
2-ci raunda çıxacağı halda “Qəbələ” İsrailin “Hapoel” (Hayfa), Kiprin AEK, Polşanın “Yaqelloniya”, Şotlandiyanın “Aberdin”, “Keşlə” və “Neftçi” İspaniyanın “Sevilya”, Türkiyənin “Beşiktaş”, Çexiyanın “Sparta”, Rumıniyanın “Styaua”, Hollandiyanın “Alkmaar”, Almaniyanın “Leypsiq”, İngiltərənin “Bernli”, İtaliyanın “Atalanta”, Fransanın “Bordo” komandaları ilə üz-üzə gələ bilər.
Avropa Liqasının ilkin təsnifat mərhələsi iyunun 28-də başlayır, iyulun 5-də bitir.
1-ci mərhələ 12-19 iyul arası, 2-ci mərhələ 26 iyul-2 avqust arası, 3-cü mərhələ 9-16 avqust arası, 4-cü mərhələ 23-30 avqust arası keçiriləcək.
