Əmlak çıxarışı iş yerinə gəldi
Əmlak Məsələləri Dövlət Komitəsi daha bir sosial aksiya keçirib. Mayın 25-də yayılan rəsmi məlumata görə, “İş yerini tərk etmədən çıxarışını al” devizi altında keçirilən kampaniyaya Astara rayonundakı çay fabrikinin əmək kollektivi cəlb olunub. Mobil ofislər vasitəsilə 80-ə yaxın zavod işçisinə əmlaklarına dair hazır çıxarışlar verilib. Çıxarışlar əsasən fərdi yaşayış evləri, pay torpağı, həyətyanı torpaq sahələrini əhatə edib.
