76 iştirakçının adı bəllidir
2018-2019 mövsümündə UEFA Çempionlar Liqasına 79 komanda buraxılır. Novator.az bildirir ki, mayın 25-nə 76 komandanın adı bəllidir.
İlkin təsnifat mərhələsi 26-29 iyun arası keçiriləcək. Raunda bu komandalar çıxır: “Santa Koloma” (Andorra), “Linkoln” (Cəbəllütariq), “La Fiorita” (San Marino), “Drita” (Kosovo).
1-ci mərhələ 10-18 iyul arasına təyin olunub. İlkin tərkib belədir: “Ludoqorets” (Bolqarıstan), “Seltik” (Şotlandiya), APOEL (Kipr), “Legiya” (Polşa), “Astana” (Qazaxıstan), “Qarabağ” (Azərbaycan), “Şerif” (Moldova), “Malmö” (İsveç), “Srvena Zvezda” (Serbiya), “Hapoel” (Beer-Şeva, İsrail), “Rusenborq” (Norveç), HİK (Finlandiya), “Nyu Sents” (Uels), “Kukesi” (Albaniya), “Zrinski” (Bosniya), “Şkendiya” (Makedoniya), “Düdelanj” (Lüksemburq), “Spartak” (Slovakiya), “Valletta” (Malta), “Vikinqur” (Farer adaları), “Kruzeyders” (Şimali İrlandiya), “Alaşkert” (Ermənistan), “Sutyeska” (Monteneqro), “Suduva” (Litva), “Kork Siti” (İrlandiya), “Spartaks” (Latviya), “Valyur” (İslandiya), “Flora” (Estoniya), “Torpedo” (Gürcüstan).
Sloveniya, Macarıstan çempionları da turnirə bu raunddan qoşulacaqlar.
24 iyul-1 avqust arası keçiriləcək 2-ci raunda bu komandalar vəsiqə alıb: BATE (Belarus), “Dinamo” (Xorvatiya), “Midtülland” (Danimarka),“Kluj” (Rumıniya), “Bazel” (İsveçrə), “Ayaks” (Hollandiya), PAOK (Yunanıstan), “Şturm” (Avstriya).
3-cü mərhələdə (7-15 avqust) bu komandalar var: “Zalsburq” (Avstriya), AEK (Yunanıstan), “Benfika” (Portuqaliya), “Dinamo” (Ukrayna), “Fənərbaxça” (Türkiyə), “Spartak” (Moskva, Rusiya), “Standard” (Belçika).
Çexiya milli çempionatında ikinci yerin sahibi də 3-cü raunddan start götürəcək.
21-29 avqust arası keçiriləcək 4-cü raundda bu komandalar var: PSV (Hollandiya), “Yanq Boyz” (İsveçrə).
Qrup mərhələsinə (18 sentyabr-12 dekabr) İspaniyanın “Barselona”, “Atletiko”, “Real”, “Valensiya”, Almaniyanın “Bavariya”, “Şalke”, “Hoffenhaym”, “Borussiya” (Dortmund), İngiltərənin “Mançester Siti”, “Mançester Yunayted”, “Tottenhem”, “Liverpul”, İtaliyanın “Yuventus”, “Napoli”, “Roma”, “İnter”, Fransanın PSJ, “Monako”, “Lion”, Rusiyanın “Lokomotiv” (Moskva), SSKA, Portuqaliyanın “Portu”, Ukraynanın “Şaxtyor”, Belçikanın “Brügge”, Türkiyənin “Qalatasaray”, Çexiyanın “Viktoriya” komandaları birbaşa vəsiqə qazanıb.
