Şəhid əsgərin medalı
Azərbaycan-Ermənistan sərhədinin Naxçıvan Muxtar Respublikası sahəsində şəhid olmuş əsgər Adil Əli oğlu Tatarovun “Şücaətə görə” medalı ailəsinə təqdim edilib.
Adil Tatarov mayın 20-də şəhid olub. Mayın 22-də müdafiə naziri Zakir Həsənov şəhidin “Şücaətə görə” medalı ilə təltif edilməsinə əmr verib.
Mod.gov.az-ın 23 may məlumatına görə, Ağstafa rayonunun Qıraq Kəsəmən kəndində, şəhid əsgərin 19 il öncə dünyaya göz açdığı ata ocağında Müdafiə Nazirliyi rəsmilərinin, rayon rəhbərliyinin, hərbi qulluqçuların, ictimaiyyət nümayəndələrinin iştirakı ilə təqdimat mərasimi keçirilib.
Müdafiə nazirinin müavini general-leytenant Kərim Vəliyev mərasimdə çıxış edərək şəhidin ailəsinə, doğmalarına dərin hüznlə başsağlığı verib, səbir arzulayıb. O deyib: “Azərbaycan əsgəri səngərdə hər zaman ayıq-sayıq dayanıb, düşmənin istənilən təxribatının cavabı layiqincə və artıqlaması ilə verilir. Azərbaycan əsgəri yaxşı bilir ki, Vətənini, ailəsini, ata-anasını, bacı-qardaşını qoruyur. Azərbaycan əsgəri əmindir ki, onun arxasında böyük Azərbaycan xalqı, Azərbaycan dövləti, Azərbaycan prezidenti durub. Şəhid olarsa şəhid kimi, qazi olarsa qazi kimi xidmətləri yüksək qiymətləndiriləcək, adı əbədiləşdiriləcək, xatirəsi həmişə əziz tutulacaq”.
Cəbhədə yeni gərginlik necə şərh olunur?
Şəhid əsgər torpağa tapşırıldı
Şəhid əsgər medalla təltif olundu
