Qarabağlı general postdan gedir
Ermənistan Silahlı Qüvvələri Baş Qərargahının rəisi general-polkovnik Movses Akopyan istefaya göndərilir. Novator.az-ın məlumatına görə, bunu mayın 24-də baş nazir Nikol Paşinyan açıqlayıb. Hökumətin iclasında çıxış edən baş nazir prezidentə bununla bağlı təqdimat verdiyini deyib.
Movses Akopyan 1965-ci ildə Azərbaycanın Dağlıq Qarabağ bölgəsində, indiki Xocavənd rayonunda anadan olub. Almatı Ümumqoşun Komanda Məktəbini bitirib.
1988-ci ildən SSRİ Silahlı Qüvvələrinin Xankəndidəki 366-cı alayında, 1992-ci ildən Dağlıq Qarabağ separatçılarının ordusunda qulluq edib. Azərbaycan torpaqlarının işğalının və soyqırımı cinayətlərinin iştirakçısıdır. 2007-ci ildən işğalçı rejimin “müdafiə naziri” olub. 2015-ci ildən Ermənistan Silahlı Qüvvələri Baş Qərargahı rəisinin mavini, 20 may 2016-cı ildən müdafiə nazirinin müavini postunu tutub. 2016-cı il oktyabrın 3-dən Ermənistan Silahlı Qüvvələri Baş Qərargahının rəisidir.
