Prezident yeni hökumət qurmağı tapşırdı
İtaliya prezidenti Serco Mattarella mayın 23-də Cüzeppe Konteni qəbul edərək ona hökumət qurmağı tapşırıb.
Novator.az bildirir ki, 54 yaşlı hüquqçu Cüzeppe Konte sağ mərkəzçi Şimal Liqasının və radikal “5 ulduz” hərəkatının baş nazir postuna ortaq namizədidir.
Bu il martın 4-də parlamentin aşağı və yuxarı palatalarına keçirilmiş seçkidə sağ mərkəzçi koalisiya birinci, “5 ulduz” hərəkatı ikinci yeri tutub.
Hazırda İtaliya hökumətinə Demokrat Partiyasından Paolo Centiloni başçılıq edir. O, 2016-cı ilin dekabr ayında baş nazir təyin olunub.
