Rusiyada 232 mindən çox Ermənistan vətəndaşı işləyir
Rusiya Daxili İşlər Nazirliyinin yeni hesabatına görə, 2017-ci ildə 232 min 247 Ermənistan vətəndaşı bu ölkədə əmək fəaliyyəti ilə məşğul olub. Ermənistan bu göstərici ilə Avrasiya İqtisadi İttifaqına üzv ölkələr arasında ikinci yerdə durur.
Avrasiya İqtisadi İttifaqının başqa ölkələrinə gəlincə, Novator.az bildirir ki, Daxili İşlər Nazirliyinin 2017-ci il üzrə hesabatında 376 min 863 Qırğızıstan vətəndaşının Rusiyada işlədiyi açıqlanıb.
Ötən il Rusiyada 124 min 633 Belarus vətəndaşı, 88 min 202 Qazaxıstan vətəndaşı əmək fəaliyyəti göstərib.
2015-ci il yanvarın 1-dən qüvvəyə minmiş Avrasiya İqtisadi İttifaqı müqaviləsi üzv ölkələrin bir-birinin ərazisində patent almadan sərbəst çalışmasını mümkün edir.
