Ağsaqqal və başqaları
Keçmiş SSRİ məkanında ən yaşlı və stajlı dövlət başçısı Nursultan Nazarbayevdir. O, 1940-cı ildə doğulub. 1989-cu ildən Qazaxıstanın rəhbəri, 1990-cı ildən prezidentdir.
Novator.az bildirir ki, Tacikistan prezidenti İmaməli Rəhman veteranlar siyahısında ikinci yerdə gəlir. 1952-cı ildə doğulan İmaməli Rəhman 1992-ci ildən dövlət başçısıdır. 1994-cü ildən prezident postunu tutur.
Belarusun dövlət başçısı Aleksandr Lukaşenko 1954-cü ildə anadan olub. 1994-cü ildən prezident kürsüsündədir.
Rusiya prezidenti Vladimir Putin 1952-ci ildə doğulub. 2000-2008-ci illərdə prezident, 2008-2012-ci illərdə baş nazir olub. 2012-ci ildən yenidən prezidentdir.
1961-ci ildə anadan olan İlham Əliyev 2003-cü ildən Azərbaycan prezidentidir.
Türkmənistan prezidenti Qurbanqulu Berdiməhəmmədov 1957-ci ildə anadan olub. 2007-ci ildən dövlət başçısıdır.
Gürcüstan prezidenti Georgi Margvelaşvili 1969-cu ildə doğulub. 2013-cü ildən dövlət başçısı vəzifəsindədir.
Ukrayna prezidenti Pyotr Poroşenko 1965-ci il təvəllüdlüdür. 2014-cü ildən dövlət başçısı postunu tutur.
Özbəkistan prezidenti Şövkət Mirziyayev 1957-ci ildə anadan olub. 2016-cı ildən dövlət başçısıdır.
Moldova prezidenti İqor Dodon 1975-ci ildə doğulub. 2016-cı ildən prezidentdir.
Qırğızıstan prezidenti Sooronbay Jeenbekov 1958-ci ildə anadan olub. 2017-ci ildən dövlət başçısı postunu tutur.
Ermənistan prezidenti Armen Sərkisyan 1953-cü ildə doğulub. 2018-ci ildən prezidentdir. 1996-1997-ci illərdə baş nazir olub.
Başqa ölkələrə gəlincə, Türkiyə prezidenti Rəcəb Teyyub Ərdoğan 1954-cü ildə doğulub. 2014-cü ildən prezidentdir. 2003-2014-cü illərdə baş nazir olub.
İran prezidenti Həsən Ruhani 1948-ci il təvəllüdlüdür. 2013-cü il ildən prezidentdir.
ABŞ prezidenti Donald Tramp 1946-cı ildə anadan olub. 2017-ci ildən prezident postundadır.
Fransa prezidenti Emmanuel Makron 1977-ci ildə doğulub. 2017-ci ildən dövlət başçısıdır.
1954-cü ildə anadan olan Angela Merkel 2005-ci ildən Almaniya kansleridir.
