Keçmiş nazir yeni posta təyin edildi
Rusiya Dövlət Duması mayın 22-də prezident Vladimir Putinin təqdimatına baxaraq Aleksey Kudrini Hesablama Palatasının sədri təyin edib.
Novator.az bildirir ki, Aleksey Kudrin 1960-cı ildə Latviyada doğulub. Leninqrad (Sankt-Peterburq) Dövlət Universitetinin iqtisadiyyat fakültəsini və SSRİ Elmlər Akademiyasının İqtisadiyyat İnstitutunun aspiranturasını bitirib. İqtisad elmləri namizədidir.
2000-2011-ci illərdə maliyyə naziri olub, 2000-2004 və 2007-2011-ci illərdə həmçinin baş nazirin müavini postunu tutub.
Hesablama Palatası sədrinin səlahiyyət müddəti 6 ildir.
