Putin keçmiş naziri qabağa verir
Rusiya prezidenti Vladimir Putin Aleksey Kudrini Hesablama Palatasının sədri postuna namizəd irəli sürüb. Palata sədrini Dövlət Duması 6 il müddətinə təyin edir. Bunun üçün parlamentin aşağı palatasında azı 226 səs toplamaq gərəkdir.
Novator.az bildirir ki, Aleksey Kudrin 1960-cı ildə Latviyada doğulub. Leninqrad (Sankt-Peterburq) Dövlət Universitetinin iqtisadiyyat fakültəsini və SSRİ Elmlər Akademiyasının İqtisadiyyat İnstitutunun aspiranturasını bitirib. İqtisad elmləri namizədidir.
2000-2011-ci illərdə maliyyə naziri olub, 2000-2004 və 2007-2011-ci illərdə həmçinin baş nazirin müavini postunu tutub.
2013-cü ildən Hesablama Palatasına sədrlik edən Tatyana Qolikova mayın 17-də vəzifədən çıxarılıb.
