Nikolas Maduro yenidən seçilir
Venesuelada mayın 20-də keçirilmiş prezident seçkisinin ilkin nəticələri açıqlanıb. Novator.az-ın məlumatına görə, dövlət başçısı Nikolas Maduro 68%-ə yaxın səslə önə çıxıb. Milli Seçki Şurası dövlət başçısının ən yaxın müxalif rəqibi Enri Falkonu 45%-dən çox fərqlə qabaqladığını bəyan edib.
21% səs yığan Enri Falkon nəticələri qəbul etmədiyi barədə bəyanat verib. O, prezident seçkisinin yenidən keçirilməsini istəyir.
Nikolas Maduro 1962-ci ildə anadan olub. Venesuela Vahid Sosialist Partiyasının lideridir. Parlament sədri, xarici işlər naziri, vitse-prezident postlarını tutub. 2013-cü ildən ölkə prezidentidir.
