Dövlət qulluqçularının orta maaşı nə qədərdir?
2018-ci il yanvarın 1-nə Azərbaycanda 29,3 min nəfər dövlət qulluğunda çalışıb, onların 28,8 faizi qadınlar olub. Novator.az-ın məlumatına görə, Statistika Komitəsi bildirir ki, dövlət qulluqçularının 6,9 faizinin 1 ilə qədər, 26,1 faizinin 1 ildən 5 ilə qədər, 22,2 faizinin 5 ildən 10 ilə qədər, 17,3 faizinin 10 ildən 15 ilə qədər, 27,5 faizinin 15 il və daha çox qulluq stajı var.
Dövlət qulluqçularının yaş qrupları üzrə bölgüsü belədir: 30 yaşa qədər olanlar 17,5 faiz, 30-34 yaşda 15,7 faiz, 35-44 yaşda 23 faiz, 45-54 yaşda 21,9 faiz, 55-62 yaşda 18,3 faiz, 63-64 yaşda 2,3 faiz, 65 və yuxarı yaşda 1,3 faiz.
Dövlət qulluqçularının 2017-ci il üzrə orta aylıq nominal əməkhaqqı 690,7 manat göstərilir.
