Xarici sərmayənin 81,1 faizi 9 ölkənin payına düşür
Dövlət Statistika Komitəsi bildirir ki, 2018-ci ilin yanvar-aprel aylarında Azərbaycanda iqtisadi və sosial sahələrin inkişafı üçün əsas kapitala 4 milyard 160,1 milyon manat vəsait yönəldilib. Daxili mənbələrdən əsas kapitala yönəldilmiş vəsaitin dəyəri ümumi sərmayənin 52,4 faizini təşkil edib.
Novator.az-ın məlumatına görə, rəsmi hesabatda qeyd olunur ki, yanvar-aprel aylarında xarici müəssisə və təşkilatlar 1 milyard 978,7 milyon manat sərmayə qoyub. Bu vəsaitin 81,1 faizi Böyük Britaniya, İsveçrə, Türkiyə, Malayziya, Yaponiya, ABŞ, Çexiya, Rusiya və İran sərmayədarlarına məxsus olub.
