Pensiyaçıların sayı, pensiyaların orta məbləği
Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun hesabatına əsasən, yanvar-mart aylarında pensiya və müavinətlərin maliyyələşdirilməsinə 895,7 milyon manat vəsait yönəldilib, bu da ötən ilin ilk rübünə nisbətən 8 faiz çoxdur. Vəsaitin 97,9 faizini pensiya xərcləri təşkil edib.
2018-ci il aprelin 1-nə Dövlət Sosial Müdafiə Fondunda 1 milyon 313,1 min nəfər pensiyaçı qeydiyyatda olub. Onların 58,8 faizi yaşa, 29,8 faizi əlilliyə, 11,4 faizi isə ailə başçısını itirməyə görə pensiya alır.
Təyin olunmuş aylıq pensiyaların orta məbləği ötən ilin müvafiq dövrü ilə müqayisədə 9 faiz artaraq 218,3 manata çatıb.
